Ribong mga Pilipino an nagpasiring sa mga simbahan sa bilog na nasyon komo pakikisumaro sa pag-obserbar kan Ash Wednesday kun saen pigku-krusan an saindang angog nin abo.
Katakod kaini, sa Simbahan kan Baclaran asin Quiapo sa may parte kan Metro Manila, mag-oomagahon pa sana, nakapila na an mga ini sa mga simbagan tanganing magreseber kan abo na iku-krus sa saindang mga angog.
Marurumduman an nasambitan ng tradisyon an signal sa pagpuon kan lent season.
Sa Pilipinas, haros 80% an maikokonsederar na Katoliko kun kaya saro an aldaw na ini sa mga importanteng panahon kun saen liwat na pigpapagirumdom an mga ini sa pagsasabuhay kan mga sakripisyo ni Jesus asin katukduan kan Simbahan.
Para sa ibang mga deboto an pagkrus kan abo sa angog kan sarong indibidwal an nagsisimbolo nin pagbabago o pagbasol sa mga kasalan.
Mantang para sa iba, ini an nagsisimbolo man nin paglikay sa mga mararaot na bagay o pangyayari sa bilog na taon.
Alagad sa lado man kan Simbahan, panahon ini kan liwat na pag-analisar kan satuyang mga sadiri komo sarong Katoliko kun satuyang nagagampanan an responsibilidad sa ibong kan kadakol na problema sa buhay.
Sa ngunyan, padagos pa an pagbulos kan mga Katoliko sa mga simbahan tanganing makisumaro sa Ash Wednesday ngunyan na aldaw.
