NAGA CITY- Nakatalaan na magkaigwa nin banal na misa ngoniang udto sa lugar kan Pamilya De Lima sa Iriga City.
Sa nakuang impormasyon kan Bombo Radyo Naga hale sa kampo ni Senator Leila De Lima, napag-araman na alas 11:00 atyan isasagibo an misa.
Dawa pinagbawalan kan korte si De Lima na maghampang sa mga kagawad kan media, alagad pig-lalaoman mam giraray na maghampang an saro sa mga miembro kan pamilya kaini an sarong press conference atyan na alas 10:30 nin aga.
Napag-araman na natawan sana nin 48 hrs an senador para makaibanan an may helang na ina.
Pasado alas 7:30 kasubagong aga kan mag-abot an opisyal sa Ancestral house kaini sa Iriga hale sa Legazpi Airport.
