Nauli sa kamunduan an maugmang bakasyon sa Singapore nina Nikko Natividad asin an saiyang misis na si Cielo Mae Eusebio, makalihis ining makuanan huli sa ectopic pregnancy.
Ipigheras ni Nikko an makamomondong bareta sa sarong social media platforms, na dai ninda aram na bados an saiyang agom mantang nasa biyahe.
Nag-agi an saiyang agom sa anom na oras na operasyon, asin naghagad nin mga panalangin.
Sa suminunod na post, kinumpirma ni Nikko na nasa marhay nang kamugtakan an saiyang agom, mantang ipinapahiling an saiyang sadiri na kapot an mga kamot kaini.
Kaiba man ninda an saindang duwang aki sa dai piglalaomang biyahe.
Dugang pa sa saindang kamondoan an halangkaw na gastos sa pagpapaopera kan saiyang misis sa Singapore.
Mientrastanto, magigirumduman na si Nikko nagkaigwa nin eskandalo makalihis na mag-viral sa social media an sarong intimate video kan dancer na may kaibang ibang babaye.
Inako niya man an saiyang pagkakasala asin pinatawad siya kan saiyang agom.
