NAGA CITY- Nagtutubod an miyembro kan LGBTQIA+ Community na maabot an aldaw na maipapasar an pigbubusol kan saindang lado na Sogie bill sa nasyon.
Sa entrevista kan Bombo Radyo Naga ki Queen Hugo, LGBTQIA+ Advocate sa siyudad nin Naga, sinaysay kaini na maipapasar man giraray sa Pilipinas an nasambitan ng prosopwestong ley nin huli ta igwa man soboot mga miyembro kan Senado, Kongreso asin iba pang grupo na padagos na nagbubusol kaini.
Dugang pa ni Hugo, nagpapadagos man an pag-urulay sa bill kun kaya nagtutubod ini na maabot an aldaw na maipapautob na ini sa bilog na nasyon. Kaipuhan sana soboot na pagkatiwalaan an gobierno nin huli ta haloy an proseso sa nasyon.
Pigtawan duon pa ni Hugo na panahon na tanganing maipasar an Sogie bill nin huli ta naglalangkaw an numero kan mga nangyayaring bullying bako lang sa mga miyembro kan LGBTQIA+ Community kundi magin sa mga kababaihan asin kalalakihan.
Katakod kaini, pig-eksplikar man kaini na an Sogie bill an bako sanang proteksyon kan saindang lado kundi magin kan mga kababaihan asin kalalakihan.
Mientrastanto, marurumduman enot naman na pigpahayag ni Senate President Chiz Escudero na igwang mas halangkaw na tsansa na maipasar an anti descrimination bill sa nasyon kumparar sa Sogie bill.
Sa ngunyan, nagtutubod si Hugo na harayo na an dinalaganan kan bill asin ini an maipapasar sa tabang kan gabos na human rights advocate na padagos na pigbubusol an derechos kan gabos na tawo sa kinaban.
