Ipinahayag kan Metropolpitan Manila Development Authority (MMDA) an planong paggamit nin artificial intelligence (AI) para sa advance traffic management detection, komo parte kan modernisasyon kan traffic management sa Metro Manila.
Sigun ki MMDA Chairman Atty. Don Artes, obhteo kan ahensya na ribayan an tradisyonal na ground loop detectors kan mga video detectors na mas matibay asin epektibo, orog na sa panahon kan maraot na panahon o roadworks.
Piglalaoman kan MMDA na maisakatupadan an teknolohiyang ini sa masunod na taon.
Napag-araman na an AI-based traffic systems an igwa nin kakayahang magkua nin dugang na impormasyon siring kan rekas kan behikulo, direksyon, asin plate number.
Katakod kaini, pighali na kan MMDA an mga countdown timer kan traffic lights sa 96 na intersection sa Metro Manila.
Pigribayan ini kan mga adaptive signaling systems na naggagamit nin sensors para awtomatikong mag-adjust depende sa aktwal na daloy kan behikulo.
Pigpahiling man ni Artes an mga video na naglaladawan kun pano an nagigin kawsa kan overspeeding asin red-light violations sa countdown timers.
