NAGA CITY- Padagos an pigsasagibong lakdang kan Metro Naga Water District tanganing mapanuan an kakulangan sa suplay nin tubig.
Sa nagin paghampang sa mga kagawad kan media ni Florencio Mongoso Jr, General Manager kan MNWD, sinaysay kaini na igwa na soboot 2 on-going na pump station na pigpapatugdok mantang tolo pa an for bidding.
An nasambitan ng lakdang an komo mga paagi tanganing masimbagan an pangangaipuhan sa tubig sa gabos na konsumedores kan Metro Naga Water District.
Sigun kaya sa opisyal, kaipuhan na pakarhayon an suplay nin huli ta kun halangkaw ini malangkaw man an kita kan saindang opisina. Dugang pa ni Mongoso, mayo man ibang source nin income an MNWD kundi sa konsumo kan mga konsumedores.
Sa ibong na lado, mayo man ipapautob na disconnection policy hasta sa katapusan kan taon maski pa an moratorium an pigtalaan kan November alagad kinaipuhan na i-extend kan nakalihis na December 2 huli ta kadakol soboot nin holidays.
Katakod digde, pwede man na magbayad kan moratarium sa paagi kan online payment tanganing dae na soboot masakitan na magpila pa.
Sa ngunyan, pigsierto na sana kan opisyal na dagos-dagos an saindang mga ginigibong paagi tanganing mapakarhay an serbisyo kan Metro Naga Water District sa lambang konsumedores kaini.
