Nagpahayag an nagkapirang mga world leaders na sinda an maabot sa isasagibong lubong ni Pope Francis sa aldaw nin Sabado, April 26, 2025
Nagkapira digde sinda US President Donald Trump, United Kingdom Prime Minister Keir Starmer, Argentinian President Javier Milei, Ukraine President Volodymyr Zelensky, French President Emmanuel Macron mantang magigin representate man si Prince William kan saiyang ama na si King Charles III.
Nakatalaan man ibalyo sa St. Peter’s Basilica ngunyan na aldaw nin Miyerkules an lawas kan 88-anyos na Santo Papa tanganing magkaigwa nin pagkakataon an publiko na makapagtao nin huring respeto.
Sa nakalihis na mga oras, isinapubliko na kan Vatican an mga ladawan kan lamay ni Papa Francisco kun sain nakabugtak ini sa pulang kabaong asin kapot an saiyang rosaryo.
Mientrastanto, bantay sarado man ini kan mga Swiss Guard nin Vatican na iyo an tagabantay poon 1506 kun sain kinua sinda ni Julius II an Swiss Mercenaries komo saiyang protektador.
