Ipapaapod kan National Bureau of Investigation (NBI) an apat na abogadong sangkot suboot sa “honeytrap,” o plano na pag-frame up ki Executive Secretary Ralph Recto, tanganing mag-atubang sa ahensya sa Agosto 14.
Dai man pinangaranan ni NBI Director Melvin Matibag an apat na abogado, alagad sinabi kaini na gikan an mga abogado sa parehong Law Firm sa Ortigas Center.
Sigun sa NBI chief, an mga abogado an naghanda kan mga affidavit para sa suboot nasabing scheme.
Sinabi pa ni Matibag na mga dakulang personalidad an mga kliyente kan apat na abogado. Dagdag pa kan opisyal, duwa sa mga abogado an pamilyar na asin mga senior partner, mantang an duwa pa mga baguhan pa sana sa pagka-abogado.
Naenot ng inisyuhan kan NBI nin subpoena si dating Congressman Jing Paras asin Congressman Leandro Leviste na nasa likod suboot kan destabilization plot laban ki Recto.
Matatandaan na may mga indibidwal na nasagip kan NBI sa isinagawang entrapment operation. May mga biktima na nagbunyag na inalok suboot sinda ni Paras nin bayad tanganing maggibo nin istorya asin magpirma sa sarong affidavit karibay kan kwarta asin kapwa pinahimutikan nina Leviste asin Paras an mga akusasyon laban sa sainda.
