Mayo pa nin person of interest an National Bureau of Investigation (NBI) sa soboot kill order ni Bise Presidente Sara Duterte laban ki Presidente Ferdinand Marcos Jr., First Lady Liza Araneta-Marcos asin House Speaker Martin Romualdez.
Segun ki NBI Director Jaime Santiago, ini an rason kun kaya man mawot nindang makaulay an Bise Presidente tangani na maipaliwanag kaini an saiyang mga pahayag kan nakalihis na aldaw nin Sabado na pigkokonsiderar kan mga awtoridad na banta sa Presidente asin isyu sa seguridad nasyonal.
Katakod kaini, pigserbe kan mga ahente kan NBI ngunyan na aldaw an subpoena sa Office of the Vice President (OVP).
Naglalaom an NBI chief na maipaliwanag kan Ikaduwang Presidente an rason kaya nakapagbutas nin mga siring na tataramon laban sa Presidente asin sa iba pa.
Alagad dae naman soboot na piglalaoman pa kun dae ibuyagyag ni VP Sara an pagkakabisto kan indibidwal na pigkontrata suboot tanganing i-assassinate o gadanon an Presidente enkaso siya an magadan.
Mientrastanto, magigiromdoman na enot nang piglinaw ni VP Sara na bakong banta an saiyang pahayag sa pag-asasinar, kundi saiya man sana na pigpaluwas an soboot banta sa saiya man na seguridad
