NAGPALUWAS an National Bureau of Investigation (NBI) nin mga subpoena sa mga celebrity na si Michelle Dee, Rhian Ramos asin beauty queen na si Samantha Panlilio.
Ang legal counsel ni Dee, si Atty. Maggie Abraham-Garduque, kinumpirmar ini sa sarong pahayag.
Ini may relasyon sa suboot pagbugbog asin iligal na pagkulong sa dating driver ni Ramos na si alyas Totoy kan tolo poon kan Enero 17 hasta 19, mga akusasyon na dati nang pinahimutikan kan tolo.
Naresibe na kan law office kan legal team ni Dee an subpoena na ipinaluwas kan NBI kan nakaaging semana huli nag-file sinda nin entry of appearance tanganing an gabos na abiso ki Michelle Dee direktang ipadara sa saindang opisina.
Pigsierto kan abogado na masunod an saiyang kliyente sa ipinaluwas na subpoena ngani na madangog an saindang lado sa isyu. Naglalaom man an kampo ni Michelle Dee na sa makakakua sinda nin hustisya.
Sa ngunyan, mayo pang pinaluwas na pahayag an kampo ni Ramos asin Panlilio kasunod kan ipinaluwas na subpoena.
