Masunad nin kasong murder asin frustrated murder an kampo kan National Bureau of Investigation (NBI) asin Philippine National Police (PNP) katakod sa paggadan ki dating board secretary kan Philippine Charity Sweepstakes Office (PCSO) Wesley Barayuga.
Sigun sa NBI Organized asin Transnational Crimes Division (OTCD),na iyong nag-imbestigar kan kaso, kaibahan sa mga pigsunad na kaso an mga personalidad na igwang kaugnayan sa ambush kan nakalihis na taong-2024.
Kun saen kaibahan sa mga respondents sa reklamo si dating PCSO general manager Royina Garma, former National Police Commission commissioner Edilberto Leonardo, police officials Jeremy Causapin, Santie Mendoza asin Nelson Mariano.
Marurumduman, nag-udyok an kaso makalihis magtao nin testimonya sa Quadcom si Mendoza dapit sa insidente kan nakalihis na Hulyo 30, 2020 kun saen nagadan si Barayuga sa sarong ambush harani sa opisna kan PCSO sa Mandaluyong.
Sa saiyang testimonya, pig-akusaran ni Santie Mendoza sinda Royina Garma asin Edilberto Leonardo komo mga soboot utak sa paggadan ki Wesley Barayuga na tulos man na pinahimutikan ninda Garma asin Leonardo an paratang.
