NAGA CITY- Padikit-dikit na pigbwe-bwelta kan Naga City Police Office an saindang serbisyo makalihis na abuton nin baha an saindang opisina.
Sa entrevista kan Bombo Radyo Naga ki PSSg. Roberto Aguillon, Assistant Public Information Officer kan NCPO, sinaysay kaini na naabot nin baha an saindang computers, radio asin igwang mga papel na dae naisalbar.
Katakod digde, para sa mga secret files na dae na mapakinabangan igwa soboot tamang disposal para sa nasambitan ng mga papeles tanganing dae man makaraot sa saindang presenteng ginigibo mantang para man sa ibang papel, pwede pa man na makapag-reproduce an saindang opisina nin huli ta igwang back up kaini.
Sigun pa sa opisyal, padagos an saindang inventory tanganing liwat na makapag-operate nin marhay.
Sa ngunyan, hagad na sana kan opisyal an pag-iintindi kan publiko sa siring na kamugtakan.
