Nagpakol na sa 1,403 an bilang kan mga nagadan sa Nepal tolong semana matapos an dai linalaoman na flash floods asin pagtupas kan daga sa linderos kan Nepal asin China.
Segun sa National Disaster Risk Reduction and Management Authority kan Nepal, nasa 13,742 katawo na an nasalbar, mantang 6,150 pa man giraray an nawawara, kaiba an 587 dayuhan.
Sa ibong na lado, sa China, 43 katawo man an kumpirmadong nagadan asin 519 an nawawara, kaiba an 261 na dayuhan sa Tibet, na inaapod kan Beijing na Xizang Autonomous Region.
Nangyari an kalamidad kan Agosto 26, matapos magtipak an sarong glacier sa Mount Langtang Lirung, sa langkaw na haros 5,200 metro.
Naapektaran an mga distrito kan Rasuwa, Nuwakot, Dhading asin Kavre, pati na man an Kathmandu Valley.
Padagos man an rescue asin recovery operations mantang hinahanap an rinibong katawo na sagkod ngunyan dai pa nakukua.
