NAGA CITY-Nagbaba an numero kan mga cybercrimes na nairerehistro kan Philippine National Police(PNP) sa enot na kabangang parte kan 2024.
Basado sa datos na kapot kan PNP Anti-Cybercrime Group(ACG), nag-abot sana sa 8,177 na reklamo an nairehistro sa enot na kabangang parte kan 2024, mantang nag-abot sa 12,808 an nairehistro sa enot na kabangang parte kan 2023.
Ini katampad nin lampas 36% na pagbaba nin mga cyber crimes.
Nagin mas hababa soboot an manlaen-laen nin mga insidente na pigreklamo kan publiko sa hepatura kan pulisya, siring kan online selling, investment, asin debit/credit card fraud.
Patunay ini, sigun sa ACG, na nagin epektibo an cybersecurity measures na pigpapautob kan gobyerno.
Nagtutubod man an PNP-ACG na nagin epektibo an mga cybercrime awareness campaign na pigsasagibo kaini tangani na mapalangkaw an kaaraman kan publiko laban sa online scams.
