NAGA CITY – Kinumpirma ngunian kan sarong doktor kan Bicol Medical Center (BMC) na nasa siyam katao na an nagadan ngunian na taon huli sa alcohol intoxication.
Sa entrevista kan Bombo Radyo Naga ki Dr. Janeth Froyalde kan nasambitan ng ospital, nangapudan ini sa publiko na likayan an labing pag-inom nin arak huli ta igwa ini nin darang peligro sa buhay kan sarong tao.
Sigon ki Froyalde, puon Enero hasta Hunyo, igwa na nin motality rate na siyam katao, lima digdi an kumpirmadong huli sa arak mantang 17-anyos an pinaka-joben na nabiktima.
Dugang pa kaini, paghuna soboot kan mga tao, mayo nin darang peligro an arak alagad pwede ining magresulta sa pagkagadan kan sarong indibidwal.
Apwera sa arak, nagpagirumdom man si Froyalde na maglikay urog na sa pagamit nin mga party drugs na saro pa sa pwedeng magbugtak sa peligro sa buhay kan sarong tao.
