Pig-alerto kan Office of the Civil Defense (OCD) an mga residente sa mga lugar na naapektaran kan nag-iiral na shear line.
Basado sa mensaheng pigpaluwas ni OCD Chief, Undersecretary Ariel Nepomuceno, pigpapabantayan kaini sa mga residente an epekto kan shearline sa siring kan biglaang pagbaha asin an mga pagguho kan daga na kadalasan nagngyayari sa mga panahon kan haloy na pag-uran.
Pighalimbawa kaini an nagin epekto kan shearline sa Visayas asin Mindanao kan nakalihis na Enero kan nakaaging taon kun saen labi 40 katawo an binawian nin buhay.
Kaipuhan soboot bantayan kan mga residente an gabos nin paabisong pigluluwas kan mga ahensiya kan gobyerno siring kan Philippine Atmospheric, Geophysical and Astronomical Services Administration (PAGASA), Mines and Geosciences Bureau, National Disaster Risk Reduction and Management Council asin OCD, asin tulos magsunod sa mga paabiso kan mga ini.
Sigun ki Napumuceno, an kasalbaduhan kan mga residente an nakasalalay sa saindang kooperasyon asin pagtalima sa mga paabisong pigluluws kan mga nasambitan ng ahensiya.
Pighalimbawa man kan OCD Chief an datos na pigluwas kan MGB kun saen pigtukoy kan ahensiya an kabilogang 1, 632 brgy gikan sa 14 na probinsiya na nahahampang sa huma kan mga pagbaha asin pagguho kan daga huli sa makusog na pag-uran.
An mga nasambitan ng lugar an gikan sa mga rehiyon kan Cagayan Valley, Ilococ Region, Cordillera Administrative Region, asin Central Luzon.
