Kumpiyansa si Ombudsman Jesus Crispin Remulla na mabalik sa Pilipinas sinda Senator Loren Legarda asin an saiyang aki na si Batangas Rep. Leandro Leviste, matapos sindang magluwas sa nayon mantang nag-aatubang nin imbestigasyon kan Office of the Ombudsman.
Katakod ini sa mga reklamong plunder asin graft laban ki Leviste asin sa saiyang renewable energy company.
Segun ki Remulla, nagtutubod ini na mabalik man an mag-ina sa nasyon.
Mientrastanto, nag-abiso si Remulla na pwwede sindang maatubang sa kaukulang mga legal na lakdang kun dai sinda mag-uli sa Pilipinas.
Pigilinaw ni Senator Loren Legarda na an saiyang pagluwas sa nasyon kabali an naaprubahan nang medical leave poon Agosto 3 sagkod Agosto 5, sigon sa mga patakaran kan Senado.
Nag-apelar man ini sa publiko na dai iugnay an saiyang biyahe sa mga mayo nin basehang mga paratang laban sa saiya.
Naenot nang sinabi kan National Bureau of Investigation (NBI) na nagbiyahe si Legarda pasiring sa France, mantang si Leviste man nag-agi muna sa Hong Kong bago nagdagos sa France.
Katakod kaini, nagsunad na nin reklamo an Department of Energy (DOE) sa Department of Justice (DOJ) laban ki Leviste asin sa nagkapirang opisyal kan Solar Para sa Bayan Corporation, dahil suboot sa kabiguan nindang maghatod nin suplay nin kuryente sa mga harayong lugar sa nasyon, base sa nakasaad sa saindang prangkisa.
