NAGA CITY – Ipapautob na sa banwaan kan Libmanan, Camarines Sur an online payment sa mga transaksyon sa mga ahensya kan gobierno.
Sa nagin patara-tara ni Nadia Francisco, Treasurer kan nasambitan ng banwaan, sinaysay kaini na gabos na magigin transaksyon sa mga ahensya kan gobierno siring kan SSS, Pag-ibig asin Philhealth an sa paagi na kan online payment.
Puon sa primerong semana kan Setyembre dae na soboot maaki nin mga walk in asin cash payment an mga bangko.
Katakod kaini, pig-enkaminar man ni Francisco an lambang residente na maggamit na nin we access kan Landbank huli ta duman na soboot ipapaagi an pag transfer nin fund. Magin an sweldo kan mga empleyado kan LGU an duman naman iaagi kun kaya dae naman madedelay an pag release kaini.
Sa We Access, si Francisco soboot an magseserbing authorizer mantang an payor naman an maker o ma encode kan datos. An nasambitan ng lakdang an komo pagsunod sa kasuguan ni Presidente Ferdinand Marcos Jr na gibuhon nang online an mga transaksyon sa nasyon.
