NAGA CITY- Labi P25.83 milyong kantidad nin tabang na pigbibilog kan mga food packs asin non-food relief items siring kan hygiene kits, an naiheras sa mga komunidad na apektado kan pagputok nin Kanlaon Volcano kan premirong parte kan bulan.
Ini an kinumpirmar kan Department of Social Welfare and Development (DSWD) sa isang entrevista.
Basado sa datos kan DSWD Disaster Response Management group, mapakol sa 15,511 pamilya o katampad kan 49,987 katao gikan sa 23 barangay sa Western Visayas (Region VI) asin Central Visayas (Region VII) an naapektaran kan “explosive eruption” kan Hunyo 3.
Sa kabilugan, apektado an 833 pamilya o katampad kan 2,711 katao asin an mga ini an nagtitinir pa man sa limang evacuation centers.
Nagpakol man sa 31 pamilya o 97 indibidwal an nagtitinir sa mga kaparientes o amiga.
Nagsagibo man an DSWD nin family development session (FDS) sa mga evacuation center, orog na para sa mga benepisyaryo kan Pantawid Pamilyang Pilipino Program (4Ps) sa La Castellana sa Negros Occidental, komo parte kan psychosocial activities.
An Kanlaon an nagtitinir na nasa Alert Level 2 na boot sabihon kan increasing unrest.
Mahigot man na pinapayuhan kan DSWD an publiko na likayan an four-kilometer permanent danger zone tanganing mabawasan an huma gikan sa mga hazard kan bulkan siring kan pyroclastic density currents, ballistic projectiles, rockfall asin iba pa.
