Mawot ni Deputy Majority Leader Rep. Janette Garin na siyasaton kan Kongreso kun saen ginamit an P7.2 trilyong pagkakautang kan nasyon sa irarom kan administrasyon ni dating presidente Rodrigo Duterte.
Sigun ki Garin, an mga pagkakautang sa COVID-19 pandemic an dapat masusing masiyasat kun talagang nabenepisyaran kaini an nasyon nin huli ta kaduda-duda soboot na siring kaini kadakola an nagastos na mas dakula pa sa laog kan 89 taon na pinagsama-samang nautang kan mga nakalihis na presidente kan nasyon.
Enot na digdi, pigsisi ni Presidential Adviser on Poverty Alleviation Larry Gadon an administrasyong Duterte sa pagkakabaon kan nasyon sa P7.2 trilyong utang sa laog sana kan anom na taon na mas halangkaw nin P6.6 trilyong national asin domestic debt gikan sa administrasyon ni dating Presidente Manuel Quezon hasta ki dating Presidente Noynoy Aquino III na nangyari sa laog sana kan hahabang panahon o 89 taon.
