Pigsierto kan Armed Forces of the Philippines (AFP) na an pagtatalaga nin USS Nimitz na iyong aircraft carrier kan Estados Unidos sa Middle East kawsa kan nagpapadagos na iriwal sa pag-ultanan kan Iran asin Israel an dae makakaapektar sa maritime security sa West Philippine Sea.
Ini an komo pagresponde kan Estados Unidos sa tumitinding giyera sa tahaw kan duwang mga nasyon.
Sigun ki Philippine Navy Spokesperson for the West Philippine Sea Rear Admiral Roy Vincent Trinidad, an pagpull-out sa nasambitan ng aircraft carrier an bakong kakulangan sa pwersa kan mga militar sa Indo-Pacific, partikularmente na sa seguridad sa WPS asin magin sa mga maritime actvities kan Hukbong Dagat.
Soboot, an karahayan sa pagkakaigwa nin maritime power iyo an pagigin ‘dynamic’ kaini asin bakong ‘static’.
Dugang pa kan opisyal, bako sana sinda nakatuon sa sasarong parte o teritoryo kan nasyon kundi nagsasagibo man nin mga patrolya sa iba pang parte kan katubigan kan nasyon na iyong maipaparehas man soboot sa kun pano an nagigin approach kan ibang mga nasyon sa mga conflicts o potential hotspots.
Sigun ki Trinidad, ini an mayor na rason kan pagkakaigwa nin Naval Force kun saen itatalaga an pwersa kun saen ini pinaka-kinakaipuhan.
Mientrastanto, liwat man na nanindugan an AFP na matinir an saindang presesniya asin pagpapatrolya sa mga katubigan asin teritoryo kan nasyon sa katubigan kan WPS tangani masierto na dae nakokompormiso an seguridad asin napoprotektehiran man an soberaniya kan Pilipinas.
