NAGA CITY– Nagpagirumdom ngunian an Philippine Atmospheric Geophysical and Astronomical Services Administration (PAGASA) sa mga parasira asin pasahero na malawod sa kadagatang sakop kan Bicol na maglikay huli ta makusog an hukol na dara kan bagyong Gorio.
Sigon ki PAG ASA Weather Forecaster Melvin Almujela , maski dai pa nakabandera an gale warning sa mga kadagatan sa rehiyon urog na sa Camarines Provinces, alagad nagdadara na suboot nin moderato hasta sa makukusog na pag-uran na epekto kan nabilog na bagyo.
Sigon pa ki Almujela delikado para sa mga sararadit na sakayang pandagat an maglawod huli sa haralangkaw asin makukusog na rapas nin hukol.
Sa ngunian, padagos pa an namamateang makusog na bulos nin uran sa syudad nin Naga asin nagkapirang parte kan Camarines Sur kun sain nagpagirumdom na man an mga otoridad sa mga residenteng harani sa mga bukid asin salog na magin preparado asin alerto.
