Nagbulos an pagbati sa pambato kan Quezon Province na si Athisa Manalo makalihis na koronahan komo Miss Universe Philippines 2025
Nangibabaw si Manalo sa 65 na ibang mga kandidata sa coronation night kan nakalihis na Biyernes nin bangi sa Mall of Asia sa Pasay City.
Katakod kaini, ipinasa ni Miss Universe Philippines 2024 asin Miss Universe Asia Chelsea Manalo an korona.
Nakua man ni Winwyn Marquez kan Muntinlupa City an 1st Runner-up mantang 2nd runner-up man si Yllana Adanua kan Siniloan, Laguna.
Pigmirar man komo Miss Supranational Philippines si Katrina Llegado kan Taguig City mantang si Gabriella Carballo kan Cebu City an pigbisto komo Miss Eco International Philippines asin Chelsea Fernandez kan Sultan Kudarat komo Miss Cosmo Philippines.
Mientrasranto, si Manalo an marepresentar kan Pilipinas sa Miss Universe 2025 na ikukundusir sa Bangkok, Thailand sa maabot na Nobyembre 21.
