Nagpahayag nin sentimyento si Vice President Sara Duterte katakod kan mga bareta na ini soboot an posibleng magin bagong lider kan oposisyon kasunod kan paghali kaini sa administrasyon ni Presidente Ferdinand Marcos Jr.
Sigun ki VP Sara an saiyang hiro an susog sa kun ano an makakatabang sa mga Pilipino asin kun ano an tama.
Sa presente, nakatutok an opisyal sa 30-day transition plan para sa gabos na strands kan Department of Education Central Office asin mga proyekto siringman aktibidad kan Office of the Vice President.
Marurumduman, pigsaysay ni dating presidential spokesperson Harry Roque na si Duterte na ngunyan an lider kan oposisyon makalihis an soboot na pagkakabuwag kan Marcos-Duterte alliance makalihis na magbutas sa pwesto si Duterte komo DepEd secretary asin vice chairperson kan National Task Force to End Local Communist Armed Conflict (NTF-ELCAC).
Mientrastanto, sa ibong kaini, pigsaysay man ni Speaker Martin Romualdez na dapat si Duterte an magibo kan anunsyo para sa saiyang political plans.
