Nagtutubod an Malakanyang na marahay na desisyon an piggibong pagkalas ni Senator Imee Marcos gikan man sa Alyansa Para sa Bagong Pilipinas kun sa pagmati kaini ay dae nalilinya an saiyang obheto asin adbokasiya sa administration coalition.
Binanggit ni Imee Marcos sa social media an dae ninda pagkakaintindhihan kan saiyang tugang na si Presidente Ferdinand Marcos Jr., huli man sa nagin pag-arestar ki dating Presidente Rodrigo Duterte komo rason kan saiyang nagin desisyon na iwalat an Alyansa, pigtawan duon pa kaini an nagin paghiro kan gobyerno na soboot taliwas sa saiyang kagustuhan asin prinsipyo.
Kaya man huli digde, dae na magibong mangampanya asin man magtuntong sa sasarong entablado kaiba an iba pang myembros kan Alyansa.
Matinir soboot ini na independyente. Labi pa sa ano man na pulitikal na pakinabang, dapat manindugan an soberanya kan nasyon asin man an tunay na katarungan para sa lambang Pilipino.
Mientrastanto haros napangirit man si Castro kan haputon kun kawaran na maikokonsiderar si Imee Marcos sa Alyansa Para sa Bagong Pilipinas asin magtindog na independent candidate sa nararani na eleksyon.
