Piglinaw ni Senate President pro-tempore Ping Lacson na an Senate Committee on Ethics sana an pwedeng magpuon nin padusa kontra ki Senator Ronald “Bato” dela Rosa.
Paliwanag ni Lacson, an pagpapadusa sa sarong senador o kongresista an pwede sanang mangyari kun igwang reklamo na sa Committee on Ethics asin igwang magrekomendar nin padusa.
Kun mayo soboot na reklamo sa sarong senador na pigsunad sa Ethics committee, mayo nang batayan an liderato kan Senado na patawan nin maski anong padusa an sarong lehislador.
Posible soboot an rekomendasyon kan pagpapauntok kan sweldo.
Dae man basta-basta pigpapataw an suspensyon sa sarong lehislador huli ta kaipuhan nin igwang serious offense na nagibo asin pagbobotohan pa ini sa plenaryo.
Naenot nang nagpahayag si dating Senator Antonio Trillanes IV na sa Mayo masunad ini nin reklamo kontra ki Sen. Bato sa Ethics Committee huli sa haloy kaining dae paglaog sa Senado.
