Sinaysay kan Department of Agriculture (DA) kan nakalihis na Biyernes na pinahigot an pagsubaybay sa posibleng pagkalugi sa agrikultura huli sa Severe Tropical Storm Opong (international name Bualoi).
Sa sarong entrevista, sinaysay ni DA spokesperson Assistant Secretary Arnel de Mesa na an Opong an nagpapahiling nin mas mahewas na sakkop kan potensyal na danyos kumparar sa kansuarin sanang mga kariribokan sa panahon.
Nagpaluwas na man nin kadakol na advisories prior pa sa pagtama ni Opong tagani an mga mature crops na pwedeng i-harvest, ma-harvest na asin dae na maapektaran.
Sinasyay ni De Mesa na an bagyo an pwedeng magkawsa nin pagkawara nin produksyon sa paroy (unhusked rice), mais, asin man mga high-value crops sa manlaen-laeng rehiyon.
An iba pang lugar na pwedeng maapektaran iyo an Bicol, Central asin Western Visayas, asin Southern Tagalog.
Sa ibong kan huma, pigsierto ni De Mesa na malabong maglangkaw an presyo kan bagas, binanggit an bastante na suplay gikan sa makusog na ani kan paroy sa primerong semestre, bastante na pag-import nin bagas antes man an 60-aldaw na import ban, asin an padagos na peak harvest sa panahon kan tag-uran.
Bagaman nagtitinir na mayong ulang an paghiro kan mga produktong pang-agrikultura, sinaysay kan opisyal kan DA na posible pa man an 10 hasta sa 15 porsiyentong paglangkaw kan presyo nin mga gulay huli sa pagkaputol kan suplay.
