Nagtutubod an saro sa mga nagbilog kan 1987 Constitution na dae nagbalgar sa Saligang Batas an pagsasunad kan impeachment complaint kontra ki Vice President Sara Duterte.
Ini nin huli ta gabos soboot na impeachment complaint an pigsunad sa parehas na aldaw asin dae naglampas sa parehas na aldaw siringman dae naglampas sa limitasyong “once a year” na pigtakda kan ley.
Ini an pagtubod ni dating Supreme Court Justice asin 1987 Constitution framer Adolfo Azcuna.
Pigtawan duon ni Azcuna na, sigun sa depinisyon kan “taon” sa Civil Code na katampad kan 365 days, an boot sabihon kan more than once a year an maikokonsederar na labi sa sarong aldaw sa sarong taon, huli ta an aldaw an pinakasadit na yunit kan sarong taon.
An gabos kan pagpupuon kan impeachment proceedings na nangyari sa laog sana kan sarong aldaw sa laog nin sarong taon an dae nagbalgar sa Section 3, Subsection 5, Article XI kan Konstitusyon.
Dugang pa kaini, an obheto na once a year rule an tanganing limitaran an oras na nawawara sa mga official duties kan parehas na opisyal asin kan Kamara.
Pigtawan duon pa ni Azcuna na maski sa irarom kan sa bagong depinisyon kan “initiating,” an apat na reklamong pigpuonan sa saro sanang aldaw kan sesyon Pebrero 5, 2025 an dae nagbalgar sa panundunan sa more than once a year rule.
