ARAM baya nindo mga ka-bombo, sarong Pakistani na labi duwang dekada nang nagtatrabaho komo driver sa Dubai an naoogma tuyong mga Pinoy an saiyang nagigin mga pasahero.
Kaya man nakanood ini na mag-tagalog asin pig-apod an sadiri komo si “Taxi Pabebe. Binisto an Pakistani national na si Biradar Shah. Libangan kan 50-anyos na si Biradar an pagba-vlog tanganing dae ini maboring sa pamamasada.
Pigheras man ni Biradar kun pano ini nakanood na mag-Tagalog, asin kun tano ta mawot na magin pasahero an mga Pilipino.
Ginibo man kaining content sa saiyang vlog an pagtataram nin wikang Filipino. Pamilyar man ini sa mga lugar sa Pilipinas kaya pighapot an mga pasahero kun taga-saen sa Pilipinas. Sigun ki Biradar, mayong sweldo an mga taxi driver sa Dubai kundi mga komisyon sana.
