NAGA CITY – Nanindugan an pamayuhan kan Caroyroyan, Pili, Camarines Sur na mayo nin anuman na bahid nin korapsyon sa saindang Barangay.
Sa entrevista kan Bombo Radyo Naga ki Jerry Canave Barangay Captain, Caroyroyan, Pili, Camarines Sur, sinaysay kaini na sa nasambitan ng Barangay bukas an anuman na libro kan manlaen-laen na ahensiya tanganing buklaton asin magin malinaw kun napasaen an pondo o kwarta kan Barangay.
Pigtawan duon kan opisyal na an saindang barangay igwang full disclosure display kan saindang mga ginigibo huli ta saindang pigbubusol an prinsipsiyo na maski centavos igwa nin transparency.
Dugang pa kan opisyal na nagpupuon an korapsiyon sa mga tawo huli ta an mga ini man sana an nag-eelihir sa mga lideratong mas intensiyon pang magtios an mga namamanwaan.
An siring soboot na klase kan pag-uugali an dapat na halion kan mga tawo asin kan mga nagseserbe sa gobierno.
Sa ngunyan nagtutubod si Canava na hasta igwang edukasyon dakula an saiyang paglalaom na mawawakasan man giraray an korapsiyon sa nasyon o magin man sa mga lokal na gobierno.
