Nagsunad nin panibagong diplomatic protest an Pilipinas sa paagi kan Department of Foreign Affairs (DFA) kontra sa China. Pigkumpirmar ini ni DFA Spokesperson Angelica Escalona.
An nasambitan ng lakdang sa kampo kan Pilipinas, kasunod kan water cannon attack kan China Coast Guard vessels sa barko kan Bureau of Fisheries and Aquatic Resources (BFAR) na BRP Datu Gumbay Piang mantang nagsasagibo kan Kadiwa initiative sa mag Bajo de Masinloc kan nakalihis na Setyembre 16 na nagresulta sa pagkadanyos kan barko kan Pilipinas na ikinalugad kan sarong Pilipinong crew.
Nagkapirang mga nasyon man an nagpahayag kan pagkasararo sa Pilipinas asin pagkahadit sa panibagong panghaharass kan Chinese vessels sa lugar.
Kaibahan na digde an ambassadors gikan sa kaalyado kan Pilipinas na mga nasyon siring kan Amerika, Japan, European Union, New Zealand, Canada, Australia, Denmark, Germany, the Netherlands asin United Kingdom.
Kinalampag man kan mga ini an gabos kan imbwelto na Partido na pairalon an international law kaibahan an United Nations Convention on the Law od the Sea (UNCLOS), asin pagrespeto sa Kalayaan sa paglalayag, pagkakaigwa nin diyalogo asin pagtitimpi, na importente tanganing malikayan an paglala kan tensiyon.
