Pig-orgulyo kan Presidential Anti-Organized Crime Commission (PAOCC) an pagkakagana sa kasong pigsunad kontra sa sarong illegal na Philippine Offshore Gaming Operator (POGO) sa Clark, Pampanga.
Sigun ki PAOCC Executive Director Gilbert Cruz, na-award sa gobyerno an property na pinagtindogan kan operasyon na pigkakarkulong nagkakantidad nin P6 bilyon, pati na man an P185 milyon na nasamsam na kwarta. An POGO hub parte kan Lucky South 99 Corp., na may 46 na edificio kabali an mga villa asin golf course.
Sa raid, 187 katawo an naaresto, mapakol sa 158 foreigners (kabali na an Chinese, Vietnamese, Malaysian, Burmese, asin Korean) asin 29 Filipinos. May mga report man nin human trafficking, torture, asin sexual exploitation sa laog kan compound.
Ni-raid man an Fontana Leisure Parks sa Clark, kun saean pinagtutubodang nagtago an mga nagdulag gikan sa Porac POGO hub.
Nakua sa mga villa an mga dokumento na may pangaran kan mga Chinese nationals na soboot konektado ki Mayor Alice Guo kan Bamban, Tarlac.
Saro sa mga naarestar an pigkokonsiderar na “manager” kang Porac POGO hub. Napag-araman na na-forfeit kan korte an mga pagrurugaring asin kwarta komo parte kan desisyon.
Nagtutubod an PAOCC na makusog an ebidensya sa iba pang kaso asin pigpaplanohan na maipanaga man an mga ini sa manlaen-laen na korte sa nasyon.
