Target ni Blue Ribbon Committee Chairman Senator Ping Lacson na i-report sa plenaryo an laog kan partial committee report dapit sa imbestigasyon kan katiwalian sa flood control projects.
Sigun ki Lacson, enkaso makakua na nin kinakaipuhang pirma, irereport kaini sa plenaryo ngunyan na semana an laog kan committee report.
Pigpapalibot na ngunyan sa mga miyembro kan Senate Blue Ribbon Committe an partial na committee report tanganing mapirmahan.
Pwede pa man soboot sindang magdaos nin ssto o duwa pang pagdangog dapit sa isyu kan ghost flood control projects maski pa nasa tahaw na sinda kan pag-urulay kan report sa plenaryo.
Mientrastanto, pinag-aadalan pa kan komite kun dagusang ipako-contempt an mga inisyuhang show cause order makalihis na dae magsipot sa nakalihis na pagdangog sa ibong kan subpoena.
Saro na digde an posibleng pagtugis asin pagpapaarestar ki dating Congressman Zaldy Co na nahahampang man sa kasong igwang koneksiyon sa flood control anomalies.
