Nag-insistir si Presidente Ferdinand Marcos Jr. na an nagkapira sa mga pagsadiri kan pamilya Marcos dai dapat apodon na “ill-gotten wealth.”
Segun sa presidente, napatunayan kan mga kaso sibil na ginana kan saiyang pamilya na bakong ill-gotten wealth an mga imbweltong pagsasadiri.
Sinabi kaini na an mga pagsadiri dai basta-basta maapod na ill-gotten wealth kun igwa nin mga desisyon kan korte na nagpapatunay na bako ining arog kaiyan na klase nin kayamanan.
Mientrastanto, sinabi ni Marcos na bako siyang masyadong nakatutok sa legal na bagay dapit sa kayamanan kan pamilya asin ipinapasa niya ini sa saiyang mga abogado.
Kabali sa mga isyung nasambit iyo an mga pagsadiri kan Arelma, na imbuelto an pigkakarkulong duwang milyon na dolyar na mga pagsadiri na soboot ibinugtak sa sarong shell company sa Panama.
Nanindugan an presidente na dae siya imbwelto sa nasabing legal proceedings asin mayo na siyang aram sa presenteng estado kaini.
