NAGA CITY- Ganap nang nagin ley an Republic Act 11997 o an Kabalikat sa Pagtuturo Act makalihis ining pirmahan ni Presidente Ferdinand Marcos Jr. Sa irarom kan Kabalikat sa Pagtuturo Act, gigibuhon nang P10,000 kada taon an teaching allowance kan mga paratukdo sa mga pampublikong eskwelahan.
An nasambitan ng allowance an pambakal nin mga gamit, materyales asin mga gastuson kan mga paratukdo sa saindang pagtutukdo.
Nag-atendir sa signing ceremony sa palasyo kan Malakanyang sinda DepEd Secretary Sara Duterte, Senate President Chiz Escudero, Speaker Martin Romualdez asin ACTS-Teachers partylist Rep. France Castro na iyong may akda kan prospwesto. Sa school year 2025-2026 magigin epektibo an nasambitan ng ley.
