Nagkundisir an Philippine Coast Guard Northeastern Luzon District nin patrolya sa mga kadagatan na sakop kan NE Luzon tanganing bantayan an mga marinero asin parasira na posibleng magpirit na magpasiring dagat.
Ini huli sa tahaw kan pagbabawal na maglayag huli sa huma kan bagyong Marce.
Parte ini kan No Sail Policy na ipinapautob kan ahensya.
An kadagatan kan norte-sirangan kan Luzon pigbugtak sa irarom nin gale warning na buot sabihon na delikado an paglayag na igwa nin anuman na tonelada nin mga marine vessels.
Segun sa PCG, kinakaipuhan na bantayan asin pugulan an mga parasira asin marinero na posibleng magpirit na magsira tangning na maibitaran an anuman na casualty sa kasagsagan kan destroso kan bagyo.
Kabali sa mga target kan PCG iyo an mga baybayon kan Cagayan, Aurora, Isabela, asin iba pang lugar sa norte kan Luzon.
Preparado man an Deployable Response Group sa gabos na istasyon asin sub station kan nasambitan ng CG District.
