Pig-anunsyar kan Providence Police na kapot na ninda an sarong person of interest katakod kan pambabadil sa Brown University sa Providence Rhode Island, na ikinagadan kan duwang katawo asin ikina-irido kan siyam na iba pa kan nakalihis na Sabado (Domingo sa Pilipinas).
Tinukoy kan mga otoridad na nasa 20s an suspek asin naarestar sa sarong hotel sa Coventry kan nakalihis na Domingo nin mag-uumagahon.
Dae pa pinangaranan an suspek, alagad sinaysay kan mga otoridad na mayo nang ibang suspek na saindang pighahanap.
Ipigheras man kan mga otoridad an CCTV footage kun saen hiling an suspek na nakasulot nin itom na bado, alagad mayo pang nahahanap na badil sa lugar kan insidente.
Sa ibong na banda, pigsierto man kan pamayuhan kan Unibersidad na saindang sasaguton an gastuson para sa mga biktima kan pambabadil siring man an pagtabang sa saindang mga pamilya.
Sa ngunyan, ipinagbabawal muna an anumang paglaog sa Unibersidad huli sa nagpapadagos na imbestigasyon.
Mientrastanto, pigreport man ni Mayor Brett Smiley, kan nakalihis na domingo na an kondisyon kan mga iridong biktima an nag-iba, kun dae 7 sa sainda an stable na, 1 an critical, asin 1 an na-discharged na.
Sarong prayer vigil man an ginanap sa lugar.
