NAGA CITY- Mapakol sa 1400 na mga personahes sa augmentation kan Naga City Police Office sa papabuton na Peñafrancia Fiesta sa masunod na bulan, kun saen ini man tanganing masierto an seguridad asin kasalbaduhan kan mga ma-atendir na debotos.
Sa entrevista kan Bombo Radyo Naga ki PCPT. Gil G. Guban III, Assistant Chief of City Community Affairs and Development Unit (CCADU), sinaysay kaini na an nasambitan ng numero an gikan sa saindang regional office kun saen gagamiton ini sa mga major events siring kan traslacion asin fluvial procession.
Dugang pa kaini na an iba sa mga personahes na kaibahan sa 1400 an mawawalat makalihis an nasambitan ng major events para sa soboot sa week long activities security.
Sigun pa ki Guban III na apwera sa mga uniformed personnel, igwa man mga plain clothes personnel kun saen an trabaho kaini an tanganing i-monitor an mga personalidad na naglalaog sa siyudad na gikan sa manlaen-laen na lugar.
Pigtawan-duon pa kan opisyal na enkaso man na magkulang an numero kan mga personahes, pupwede pa soboot sindang mag-request, alagad sa ngunyan sinda man an ma-adjust sa ipapadara kan regional office.
Sa ngunyan, pagsierto na sana ni Guban III na yaon soboot an NCPO tanganing magsierto kan kasalbaduhan kan mga mabisita sa lugar tuyong igwang kasiriribotan.
