Aram baya nindo mga ka-bombo, naipabakal sa sarong auction an iconic na blue bird logo gikan sa main office kan Twitter sa San Francisco sa kantedad na $35,000 mkalihis ining i-rebrand komo X ni Elon Musk.
Sigun sa RR Auction, an nasambitan ng logo na igwang gabat na 254 kg asin sukol na 3.7 by 2.7 metro an nakabal sa kantedad na $34,375.
Dae naman pigpaluwas an pagkakabistuha kan nagbakal.
Marurumduman, naenot nang pigbakal ni Musk an manlaen-laen na gamit sa opisina, kabali na an mga signage asin muwebles.
Nagkapira sa iba pang natatanging item sa auction iyo man an Apple-1 computer na naipabakal sa kantedad na $375,000, sarong 1976 Apple check na igwang pirma ni Steve Jobs na nagkakantedad nin nasa $112,054, asin sarong first-generation 4GB iPhone sa orihinal kaining packaging na nabakal sa kantedad na $87,514.
