NAGA CITY-Dakulang katabangan soboot para sa mga paraoma an pigkundusir na Information Caravan 2024 kan Department of Agriculture ngunyan na aldaw sa Kafuerte Sports Complex.
Sa entrevista kan Bombo Radyo Naga ki Lolita Ferrer, sarong paraoma, sinaysay kaini na dakulanon na marhay na tabang sa siring nindang paraoma an pigheras na mga bagong kaaraman sa pag-oooma, mga paagi sa paggamit nin makabagong teknolohiya asin mga huma sa pagtatanom siring kan mga nagbubungkaras na helang asin kun pano ini malilikayan.
Marurumduman, nagpakol sa nasa 500 na paraoma gikan sa nagkapirang probinsya kan Camarines Sur an nag-atender sa nasambitan ng aktibidad.
Katakod digde, manlaen-laen na Rice and corn farmer, livestock raiser, asin mga organic agriculture practitioner an amay na nagpasiring sa Pili, Camarines Sur tanganing mag-atender sa nasambitan ng pagtiripon.
Apwera digde, napag-ulayan man sa nasambitan ng aktibidad an dapit sa African Swine Fever asin Meat Safety na maikokonsederar na napapanahon na isyu. M
Mientrastanto, maogma man an lado kan DA nin huli ta pighihiling ninda na marhay an nagpapadagos na anihan sa bilog na probinsiya.
