Pigkwestyon kan House prosecution panel kun pano epektibong mapartisipar bilang senador-huwes si Senador Jinggoy Estrada sa impeachment trial ni Bise Presidente Sara Duterte kun dai siya pwedeng mag-present physically.
Ini an pig-anunsyo ni House Prosecutor Joel Chua asin trial spokesperson Renee Co sa paglansar kan “Bantay Impeachment” sa Claret School, Quezon City.
Sigon ki Chua, importante na yaon an sarong senador-judge tanganing maobserbaran an mga gibo kan mga testigo asin ma-assess kun totoo an pigtataram ninda o bako.
Ipinaliwanag ni Co na mayo man nin pagbabago sa reglamento kan Senado, kaya piglalaoman pa man giraray na limitado an partisipasyon ni Estrada huli sa saiyang preventive suspension.
Tinawan duon ni Rep. Co na an kalidad kan hatol iba pa man giraray kun an pagbista nasaksihan nin harampang kisa kun ini online o sa harayo.
Mientrastanto, mayo pang malinaw na desisyon an senado kun siisay an magiging Presiding Officer o pamayo kan impeachment court.
Piglalaoman na maaraman ini sa panahon na magpoon na an pagbista sa Hulyo 6, kun sain hahampangon ni VP Duterte an mga reclamo dapit sa confidential funds, dae maipaliwanag na yaman, panunuhol, asin pananakot sa mga opisyal.
