Tinawan nin duon ni Bicol Saro Party-list Representative Terry Ridon na mayong lugar an “hyperbole” asin “figures of speech” sa pagbilog nin mga polisiya, lalo na kun hali ini sa pinakahalangkaw na lider kan nasyon.
Ini an simbag kan mambabatas na saro man na abogado kan hapoton sa ginibong baalitaan meeting ngonian na Sabado, Pebrero 28 manungod sa saiyang pananaw kun mapapadagos sa full trial sa International Criminal Court (ICC) an kaso ni dating Presidente Rodrigo Duterte.
Pag-eksplikar kan mambabatas, dae pwedeng ikonsiderar na joke an talagang sinasabi sa mikropono o sa public meeting, lalo na kun huma ini sa mga tawo.
Katakod kaini, nagpagirumdom pa an mambabatas sa mga halangkaw na opisyal kan gobyerno na dae dapat gibuhon na jokes an saindang mga tataramon huli ta ini an pigdadangog asin tinutubod kan mga tawo, bako lang ordinaryong namamanwaan kundi pati na an mga nagpapa-utob kan satuyang mga ley.
