Nakakua an Pilipinas nin 200 milyon na eurong pautang, o haros ₱14 bilyon, hale sa gobyerno kan France, sa paagi kan Agence Française de Développement (AFD), para sa pangangataman kan Marine Ecosystems asin pagpapalapad kan blue economy.
Segun sa Department of Finance (DOF), an Marine Ecosystem for Blue Economy Development (MEBED) 1 masuporta sa mga reporma na mapakusog sa proteksyon kan yamang-dagat, mas marhay na Solid Waste Management, asin mga pamumuhunan sa blue economy.
Inaasahan na makikinabang digdi an labi sa tolong (3) milyon na Pilipino, kabali na an mga parasira, aquaculture operators, asin mga trabahador sa turismo, sa paagi kan mas matatag asin panghaluyan na pagkakakitaan.
Sinabi ni Finance Secretary Frederick Go, “Sa pagprotekta sa satong yamang-dagat, pinoprotektahan an kabuhayan kan milyong residente sa mga Coastal Area asin pinapakusog an satong depensa kontra sa Climate Change.
An mas malinig na kadagatan nangangahulugan nin mas marhay asin mas produktibong blue economy.”
Segun sa DOF, an programang ini iyo man an kabaling pinopondohan kan Asian Development Bank (ADB).
Sinabi man ni French Ambassador Marie Fontanel na an programa manungod sa marine ecosystems asin Blue Economic Development sarong importanteng lakdang pagtulod sa pagprotekta kan Marine Biodiversity, pagbabawas kan Plastic Marine Debris, asin pagtaguyod nin mga Sustainable na oportunidad sa ekonomiya.
Dagdag pa ni AFD Country Director Benedicte Gazon, an France asin Pilipinas igwa nin halawig nang partnership na nakabase sa magkasanib na aksyon para sa sustainable growth asin katatagan kan ecosystems asin populasyon.
Bilang development partner, ipinagmamalaki kan French Development Agency na makatabang sa pagtransformar kan mga pinagkasunduan na ini sa konkretong mga proyekto asin aktwal na epekto.
Nagpasalamat si Go sa AFD asin pinagtibay liwat an pangako kan gobyerno na siertohon na magdulot nin panghaluyan na benepisyo sa mga Pilipino an kada pamumuhunan.
Kan Martes, inanunsyo man kan DOF na nakakua an Pilipinas nin saro pang 200 milyon euro na pautang hale sa France para sa Reducing Food Insecurity and Undernutrition with Electronic Vouchers (REFUEL) project.
