Aram baya nindo mga ka-bombo, nagkahilingan an pinakahalangkaw na babae asin pinakasadit na babae sa bilog na nasyon.
Pigsagibo an paghilingan kan duwa sa London kasabay kan pagselebrar kan Guiness World Records Day.
Si Rumeysa Gelgi an igwang langkaw na 7 feet asin 0.7 inches mantang asi Jyoti Amge an igwang langkaw na 3 feet asin 0.7 inches.
Sigun sa Guiness World Records, na isinagibo an paghilingan kaini sa Savoy Hotel.
Sinaysay kan 27-anyos na si Gelgi na igwa sindang pagkakaparehas siring kan hilig sa make-uo, alahas asin pag-ataman sa sadiri.
Dakulang huma sana sa sainda an sakit na magkaigwa nin eye contact.
Labi ining naogma huli sa nabisto na kaini an kapwa record holder.
Mantang si Amge an sarong actress asin media personality na gikan sa India na igwang bone growth disorder na inaapod na achondroplasia na iyong nakakaapektar sa saiyang braso asin tabay.
