NAGA CITY – Pig-almahan kan sarong opisyal sa 5th district kan Camarines Sur an halangkawon na singil sa kuryente kan CASURECO III.
Sigun ki Jesha Aina Noble, Board Member kan nasambitan ng distrito, na kun ikukumparar soboot sa mga piglalangkaw na singil sa kuryente, labi an piglangkaw ngunyan na nasa P4 kun saen nagpakol na sa labi P18 per kWh para sa residential.
Huli sa padagos na paglangkaw kan singil kan kuryente sa mga konsumedores kan nasambitan ng kooperatiba, pirang bes na soboot nagpaapod nin session an saindang opisina alagad pigtawan sana sinda kan CASURECO nin manlaen-laen na rason.
Sa ngunyan kahagadan liwat kan opisyal an open session kaibanan an kooperatiba asin iba pang board member tanganing magkaigwa ini nin oportunidad na makapaghapot. Apwera pa digdi, mawot man kan opisyal na maintindihan kan gabos an mga pigpopost sa social media kan ahensya.
Sigun pa ki Nobles, an nagigin karasonan sana soboot kan CASURECO an huli ta igwa nin kasugoan an ERC alagad dae naaaraman an pinaggigikanan kan isyu.
Mientrastanto, kamawotan man ni Noble na mahali an pig-iisip kan mga tawo o kunsomedores na igwang nangayayaring pamumulitika sa paagi kan open session tanganing malinawan man an mga konsumedores nin huli ta bukas man an pagtiripon para sa sainda orog na ta sinda an labing naapektaran kan nasambitan ng problema.
