Naka- score nin knockout victory si John Riel Casimero kontra ki Saul Sanchez sa premirong round pa sana sa laban kaini sa Japan kan Domingo. Antes pa man an saiyang kapangganahan, an boksingero nag-atubang nin mga problema pag-abot sa saiyang timbang.
Duwang bes kaya ining nagsubra sa limit kan timbang antes pa man ini magsabak sa match kontra ki Sanchez. Huli na man sa rules kan Japan Boxing Commission an pinagbigyan sa pantolong pagkakataon si Casimero na magkaigwa nin huring weigh-in antes ini magsalang sa laban, kun saen nakalaog na sa limit an saiyang gabat aisn natawan nin clearance na makatungtong sa boxing ring.
Dai na nagsayang nin oras an boksingero asin tulos na tinapos an paghahampangan sa kalaban sa enot na round.
Mientrastanto, an kapangganahan na ini iyo an nagtao kan saiyang karera komo sarong boksingero kun sain igwa na ining rekord na 34 gana, 4 pagkalugi asin 1 draw kun saen 23 sa mga nairehistro na kapangganahan an sa paagi kan knockout.
