Tinanggal an piskal kan International Criminal Court (ICC) na si Karim Khan sa saiyang pwesto makalihis na an mayoriya kan mga State Members kan korte nagboto pabor sa saiyang paghale.
Susog sa sarong report kan Reuters, 82 sa 125 na miembros estado kan ICC an nagsuporta sa desisyon kasunod kan mga alegasyon nin sexual misconduct na imbuelto an sarong junior staff member kan korte.
Si Khan maduon na pinagnegaran an mga alegasyon. Segun sa saiyang mga abogado, kulang an ebidensiia kontra saiya asin bakong makatanosan man an hearing process sa kaso.
Kasunod kan saiyang paghale, mapoon na an proseso nin pagpili nin bagong piskal kan ICC. Alagad, an kasalida ni Khan piglalaoman na makukua sa masunod na taon.
Mientrastanto, mantenidong epektibo an gabos na presenteng mandamiento de aresto na ipinaluwas kan ICC, nin huli ta an mga huwes sana kan korte an may kapangyarihan na i-revoke an mga ini.
Kasabay kaini, inutro kan Estados Unidos an pagkontra kaini sa ICC.
Sa sarong pagbisita sa Pilipinas ni U.S. Secretary of State Marco Rubio nagsabi na an mga opisyales kan Estados Unidos dai nanggad maatubang sa paglilitis sa ICC.
An U.S. bako man miyembro kan ICC asin haloy nang pigkukwestyon an awtoridad kan nasabing International Court.
