Nadakop kan Philippine National Police Anti-Cybercrime Group (PNP-ACG) an 8 katawo sa magkakasuhay na operasyon target an pagpapabakal kan rehistradong Sim Crad na pagbalgar sa SIM Registration Law.
Sa report kan PNP-ACG kan nakalihis na aldaw, inaarestar kan mga otoridad an 41 anyos na si Nonoy kan nakalihis na Enero 13 sa may Pedro Gil Street, Paco, Maynila huli sa pagpapabakal kan rehistradong sim card sa kantidad na P800 asin kan verified e-wallet sa kantidad na P1,5000.
Nakupmpiskar gikan sa indibidwal an 4 na pidaso kan rehistradong Sim cards. Sa operasyon man kan PNP-ACG field unit sa Soccsksargen, naarestar an sarong 21 anyos na ina nagpapabakal kan registered SIM card sa General Santos city kan nakalihis na Enero 18.
Dae man ini pinangaranan alagad sigun sa report kan pulisya, nagpabakal soboot ini asin nag-advertise nin verified e-wallet account na igwang kaibahang SIM card sa kantidad na P2,000.
Nadakop man an 2 pang suspek sa Santa Cruz Manila kan nakalihis na Enero 20 makalihis na i-advertise kan saro an registered SIM card na igwang verified e-wallet account sa kantidad na P3,000.
Igwa man naarestar nin 2 pa an PNP-ACG Eastern asin Quezon City Police Districts.
Sa suhay man na operasyon sa Lahug, Cebu City kan nakalihis na Jan.15 an 2 information technology (IT) students na nagpapabakal nin 2,148 registered SIM cards sa kantidad na P800 kada saro.
Katakod kaini, nahahampang an mga suspek sa mga kaso kan pagbalgar sa Anti-Financial Account Scamming Act asin SIM Registraion in relation to Cybercrime Prevention Act.
