Nagpagirumdom an PNP Anti-Cybercrime Unit sa talamak na mga nagpapakuriyat nin salang impormasyon laban sa mga kandidato ngunyan na papaabuton na eleksyon.
Sa entrevista kan Bombo Radyo Naga ki PCPT ANGELO BABAGAY- Team Leader PNP Anti-Cybercrime Unit, pigsaysay kaini na nagpupuon na an saindang pag imbestigar sa mga nagin kaso nin cyber libel orog na an talamak na panraraot online sa mga Pulitiko.
An probinsya kan Camarines Sur an haros kadakol soboot na mga nagigin kaso kaini na kun saen kadakol an mga nanunutaran na pigpopost sa kun saen man na mga social media platforms nin anuman na klase nin panraraot laban sa mga pulitiko.
Haros kadakol na man na mga kandidato an nagpapabot sa saindang opisina para sa pagsunad nin complaints katakod pa sa mga panraraot na nahihiling ninda online.
Pigsaysay pa kan kan oposyal na sa oras na madakop an mga tawong nasa likod kan nagsasagibo kaini, mahahampang sa kaso nin libel asin magin sa ley na Republic Act 10951 o an mga pagpapakuriyat nin salang impormasyon na mayong katotohanan na nagkikriar nin takot, pagkalito, panic asin kahaditan sa publiko.
Dugang pa ni Babagay, igwa na sinda ngunyan pigmanmanan asin pig imbestigaran na tulong suspetyado na pighahalat na sana an kumpirmasyon. Sa kasagsagan kan campaign period, piglalaloman na man ninda an orog na pagdakol pa nin mga kaso nin cyber libel nin huli pa man ta mainit na an mga magigin laban mantang nagrarani na an pirilian.
Mienrastato pangapudan pa man kan opisyal sa mga botate orog na sa mga supurtadures kan lambang mga kandidato na iagi sa tamang mga paagi an pagkampanya, likayan na an panraraot nin huli pa man ta kadaklan na mga botante igwa na nin mga pigmamawot na mga kandidadto, may pig aapod nang freedom of choice na kun saen dawa na dae na pag iagi sa pagpakuriyat nin mga salang impormasyon, igwa na nin mga sadiring disisyon kun sairisay an mawot na ibubugtak sa mga balota.
