Pigsierto kan Philippine National Police (PNP) na preparado sindang magtao nin seguridad sa mga ipapatindog asin itatalagang evacuation centers makalihis na pagyugo-yuguon kan linog an Davao Region kasuodma, Oktubre 10, 2025.
Sa sarong pulong balitaan sa Camp Crame, kinumpirmar ni PNP Spokesperon asin Public Information Chief PBGen. Randulf Tuano na igwang mga naikurit nang evacuation centers sa lugar na iyong piglalaomang dadagsaon kan mga apektadong residente dara kan linog.
Sa ngunyan huli man ta nagsagibo na nin force evacuation kan mga otoridad, pigsierto ni Tuano na nakatalaga na an saindang kabuhan tanganing masierto an kaayusan asin kasalbaduhan sa mga gagamitong paramientras na dagusan kan mga apektado kan kalamidad.
Mientrastanto, puon man kan magtao kan saiyang direktiba si Acting PNP Chief PLtGen. Jose Melencio Nartatez Jr., huli sa kusog kan linog an automatic na nagpaabot nin assistance asin magsimbag an pulisya komo saro sa mga frontliners an PRO XI para sa mga rescue, relief asin security operations sa lugar.
